القلوب البيض جد انادره

[ مثـل مآجمعتـك أقـدر أنثـرك يعني رآسك لو رفعتـه أكسـره ]


.
.



\




دارت الدنيا وتبيني [ أعذرك ] !
__________ نامت عيوني وعينك > ساهره



إنت لي ماضي ومابي .. أذكرك
__________ و الغلط وياك ... ماني مكرره


قلت لك إحذر غرورك يكسرك
__________ ومن يحبّك واجب إنت تقَدّره


قبل لا تفكّر تهاجر بـ أهجرك
__________ وعدّني غيمة حنان .. مهاجره


مثل ماجَمّعتك أقدر[ أ ن ث ر ك ]
__________ يعني راسك لو رفعته أكسسسره


كنت لك مثل المواني ~ أنطرك
__________ لين طاحت من عيوني الباخره


لا تظن أبكي عليك وأخسرك
__________ إللي مثلك ( لازم ) إني أخسره


يا القليل الباقي طاحوا أكثرك !
__________ في بحر - دمع العيون - الطاهره


أبقى أكبر شخص مر بـ ناظرك
__________ وتبقى أصغر <~ من نويت أكبّره


في فراقك ماحزنت آآبشرك :
__________ وكانت الفرحه معاك مسافره !


كيف ألوّح لك وأجبُر خاطرك
__________ وإنت إحساسي مكسّر خاطره


أشكر أعدائي كثير ~ و أشكرك
__________ من سبايبكم .. فقدت الذاكره ..


دارت الدنيا وتبيني [ أذكرك ] !!
__________ شفت منّك خير لأجل أتذكره ؟


إكتب الشطر الأخير بـ دفترك ،
__________ القلوب البيض .. جداً نادره !
تحياتي